ໂຄງການພັດທະນາ ເມືອງທັນສະໄໝ ທີ່ຕັ້ງຢູ່ເມືອງຫາດຊາຍຟອງ ແລະ ເມືອງໄຊເສດຖາ ນະຄອນຫຼວງວຽງຈັນ ແມ່ນນອນຢູ່ໃນແຜນຍຸດທະສາດການພັດທະນາຂອງນະຄອນຫຼວງວຽງຈັນ ນັບແຕ່ປີ 2015 ຫາ 2030 ຈຶ່ງໄດ້ມີການຈັດສັນເຂດພື້ນທີ່ດິນເປົ່າຫວ່າງເຫັນວ່າເຂດດັ່ງກ່າວເປັນພື້ນທີ່ສູງກວ່າໝູ່ໃນນະຄອນຫຼວງ, ເປັນພື້ນທີ່ນໍ້າບໍ່ຖ້ວມ ຖ້າທຽບໃສ່ຕົວເມືອງນະຄອນຫຼວງໃນປະຈຸບັນແມ່ນເປັນພື້ນທີ່ຕ່ຳ, ຕິດກັບແຄມຂອງ ແລະ ໄດ້ສ້າງຕັ້ງແຕ່ປີ 1560 ມາຮອດປະຈຸບັນ ເປັນເວລາຫຼາຍກວ່າ 460 ປີ ແລະ ມີນໍ້າຖ້ວມເປັນບາງສ່ວນທຸກໆປິ, ການນໍາຂອງນະຄອນຫຼວງວຽງຈັນ ໄດ້ກໍານົດເອົາພື້ນທີ່ດັ່ງກ່າວເປັນການຂະຫຍາຍຕົວເມືອງໃນນະຄອນຫຼວງວຽງຈັນ.

ສະນັ້ນ, ບໍລິສັດ ກຸ່ມດວງຈະເລີນ ພັດທະນາກໍ່ສ້າງ ຈໍາກັດຜູ້ດຽວ ຈຶ່ງໄດ້ສະໜັບສະໜູນຈາກການນໍາ ນະຄອນຫຼວງວຽງຈັນ ເຊິ່ງມີການຕົກລົງຈາກ ທ່ານນາຍົກລັດທະມົນຕີ ແຫ່ງ ສປປ ລາວ ຕາມໃບມອບສິດ ສະບັບເລກທີ 78/ນຍ, ລົງວັນທີ 13 ກໍລະກົດ 2020 ແລະ ໄດ້ເຊັນສັນຍາບົດບັນທຶກຄວາມເຂົ້າໃຈ ເພື່ອສຶກສາສໍາຫຼວດຄວາມເປັນໄປໄດ້ຂອງໂຄງການ ຮ່ວມກັບ ກະຊວງແຜນການ ແລະ ການລົງທຶນ ໄດ້ເຊັນ MOU ຮ່ວມກັບລັດຖະບານ.

ຈຸດປະສົງຫຼັກຂອງໂຄງການ ເພື່ອພັດທະນາເມືອງທັນສະໄໜ ນະຄອນຫຼວງ 450 ປິ ໃນເນື້ອທີ່ 2,568 ຮຕ ທີ່ຕັ້ງຢູ່ 2 ເມືອງ 10 ບ້ານ ໃຫ້ກາຍເປັນຕົວເມືອງທັນສະໄໝ, ມີການເຊື່ອມໂຍງທາງດ້ານເສດຖະກິດ - ສັງຄົມລະຫວ່າງປະເທດ, ມິການນໍາໃຊ້ຊັບພະຍາກອນທີ່ມີປະສິດທິພາບ ແລະ ການພັດທະນາຄຸນນະພາບຊີວິດການເປັນຢູ່ຂອງປະຊາຊົນໃຫ້ເທົ່າທຽມກັບປະເທດອື່ນ.

ເພື່ອການພັດທະນາຮອບດ້ານ ເຊັ່ນ: ອຸດສາຫະກໍາ, ທີ່ຢູ່ອາໄສ, ກະສິກໍາ, ບໍລິຫານທຸລະກິດ, ການຄ້າ ແລະ ບ້ານພັກສະຖານທູດເຂດການສຶກສາ, ສາທາລະນະສຸກ, ປ່າໄມ້, ບໍລິການ ແລະ ທາງດ່ວນ, ກິລາ ແລະ ການທ່ອງທ່ຽວ, ເມືອງອາຊຽນ, ຄອນໂດມີນຽມ, ບ້ານຈັດສັນ ແລະ ສວນສາທາລະນະ.

ສ້າງເຂດເຊື່ອມຕໍ່ທາງດ້ານເສດຖະກິດ - ສັງຄົມລະຫວ່າງປະເທດເພື່ອດຶງດູດການລົງທຶນພາຍໃນ ແລະ ຕ່າງປະເທດ.

ພັດທະນາພື້ນດິນເປົ່າວ່າງເພື່ອໃຫ້ເກີດປະໂຫຍດດ້ວຍການພັດທະນາໃຫ້ເປັນເຂດເສດຖະກິດເມືອງທັນສະໄໝ ມິຄວາມສີວິໄລ ແລະ ມີອົງປະກອບພື້ນຖານຮອບດ້ານ.

ສ້າງລາຍຮັບໃຫ້ແກ່ລັດຖະບານໃນຮູບແແບບພາສີ, ອາກອນ ແລະ ຄ່າທໍານຽມອື່ນໆ.

ສ້າງວຽກເຮັດງານທໍາໃຫ້ກັບປະຊາຊົນ, ທັງເປັນບ່ອນຮັບຮອງແຮງງານ ທີ່ຈະເພີ່ມຂຶ້ນໃນອະນາຄົດ.

ສ້າງເຂດເຊື່ອມຕໍ່ທາງດ້ານເສດຖະກິດ - ສັງຄົມລະຫວ່າງປະເທດດ້ວຍການນໍາໃຊ້ເຕັກໂນໂລຊີເຂົ້າໃນການບໍລິຫານຈັດການໃນລະບົບເສດຖະກິດ.

ນໍາໃຊ້ຊັບພະຍາກອນຢ່າງມີປະສິດຖິພາບ ແລະ ເປັນມິດກັບສິ່ງແວດລ້ອມ.

ພັດທະນາລະບົບຄຸ້ມຄອງບໍລິຫານຕົວເມືອງດ້ວຍເຕັກໂນໂລຊີ, ສ້າງຄວາມໂປ່ງໃສ, ກວດສອບ, ເຂົ້າເຖິງແຫຼ່ງຂໍ້ມູນດ້ານການປົກຄອງ ແລະ ເສດຖະກິດ.

ການເຄື່ອນໄຫວດໍາເນີນທຸລະກິດໄດ້ຢ່າງສະດວກຕິດພັນ ກັບການພັດທະນາຄວາມຮູ້ດ້ານໄອທີ.

ພັດທະນາສິ່ງອໍານວຍຄວາມສະດວກທີ່ມີຄຸນນະພາບ ແລະ ມາດຕະຖານສາກົນ, ກໍ່ສ້າງລະບົບການໂທລະຄົມສື່ສານ ແລະ ການປ້ອງກັນຂໍ້ມູນຂອງລະບົບໄຊເບີ ທີ່ທັນສະໄໝຕາມມາດຕະຖານສາກົນ.

ການສ້າງຄຸນນະພາບຊີວິດການເປັນຢູ່ຂອງປະຊາຊົນໃຫ້ເທົ່າທຽມກັບປະເທດອື່ນທີ່ພັດທະນາແລ້ວ.

ສປປ ລາວ ແມ່ນຈຸດໃຈກາງຂອງອາຊຽນ ມີການເຊື່ອມໂຍງທາງດ້ານການຄ້າ ແລະ ການລົງທຶນກັບບັນດາພື້ນຖານເສດຖະກິດທີ່ສໍາຄັນໃນພາກພື້ນ ແລະ ພາຍນອກ.

ສປປ ລາວ ມີສົນທິສັນຍາການລົງທຶນສອງຝ່າຍກັບ 27 ປະເທດ ແລະ ໄດ້ເຂົ້າໄປເປັນສະມາຊິກຂອງອົງການ ການຄ້າໂລກ (WTO) ແລະ ເຊື່ອມໂຍງເຂົ້າກັບພາກພື້ນປະຊາຄົມເສດຖະກິດອາຊຽນ (AEC).

ທີ່ຕັ້ງຍຸດທະສາດເພາະມັນເປັນຈຸດເຊື່ອມຕໍ່ລະຫວ່າງຈີນ, ຫວຽດນາມ, ໄທ ແລະ ປະເທດກໍາປູເຈຍ ຈຶ່ງສາມາດເປັນປະຕູສູ່ການຄ້າ (Land Link) ສິ່ງສໍາຄັນ.

ລັດຖະບານ ສປປ ລາວ ກໍານົດທິດທາງຈະເປີດເສລີທາງດ້ານເສດຖະກິດ ແລະ ເປີດກວ້າງໃຫ້ແກ່ພາກເອກະຊົນໂດຍຜ່ານກົດໝາຍສົ່ງເສີມການລົງທຶນທີ່ໄດ້ຮັບການປັບປຸງ (IPL) ປີ 2017.

ສປປ ລາວ ໄດ້ສ້າງເຂດເສດຖະກິດພິເສດ (SEZs) ເປັນສະຖານທີ່ສ້າງໂອກາດໃໝ່ໆ ແລະ ຊຸກຍູ້ການຂະຫຍາຍຕົວຂອງເສດຖະກິດໃຫ້ເຂັ້ມແຂງຂຶ້ນ.

ເຂດເສດຖະກິດພິເສດໄດ້ສົ່ງເສີມລະບົບນິເວດ ທີ່ມິຊີວິດ ຊິວາ ທີ່ຊ່ວຍໃຫ້ຊາວທ້ອງຖິ່ນ ແລະ ຕ່າງປະເທດຫັນແນວຄວາມຄິດທີ່ມີຫົວຄິດປະດິດສ້າງ ເຂົ້າໃນທຸລະກິດ ແລະ ຍົກສູງຄວາມສາມາດໃນການແຂ່ງຂັນ